Мадримов “The Ring” рейтингида пешқадамлардан бўлди
Спорт
−
23 Октябрь 3603
Ўзбекистонлик профессионал боксчи Исроил Мадримов “The Ring” журналининг октябрь ойи учун янгиланган рейтингида 2-ўринни эгаллади. Бу ҳақда Ўзбекистон Профессионал бокс федерацияси матбуот хизмати хабар берди.
Манбага кўра, супер яримўрта вазн тоифасида фаолият олиб борувчи WBA йўналишида собиқ жаҳон чемпиони ҳисобланган Мадримов ўтган ой ҳам рейтингда 2-поғонани банд этган.
Австралиялик Тим Цзюни мағлуб этган россиялик Бахрам Муртазалиев рейтингга илк бор киритилиб, 3-ўринга жойлаштирилди. Цзюнинг ўзи эса 5-ўриндан 7-поғонага тушиб кетди.
Рейтингда ҳамон америкалик Теренс Кроуфорд етакчилик қилмоқда. Исроил Мадримовнинг бўлажак рақиби украиналик Сергей Богачук эса 6-ўринда қайд этилган.
“The Ring” рейтинги:
1. Теренс Кроуфорд (АҚШ);
2. Исроил Мадримов (Ўзбекистон);
3. Бахрам Муртазалиев (Россия);
4. Себастьян Фундора (АҚШ);
5. Виржил Ортис (АҚШ);
6. Сергей Богачук (Украина);
7. Тим Цзю (Австралия);
8. Хесус Рамос (АҚШ);
9. Чарльз Конуелл (АҚШ);
10. Брайан Мендоза (АҚШ).
Live
Барчаси
