Лукашенко қачон Украинага қарши урушга киришини айтди

Беларусь фуқароси Александр Лукашенко журналистлар билан суҳбат чоғида мамлакатнинг Украина ҳудудидаги ҳарбий амалиётда иштирок этиши шартини айтди. Бу ҳақда унинг тизгинидаги БелТА ёзмоқда.  

“Мен Беларусь ҳудудидан келган руслар билан ҳозирча битта ҳолатда жанг қилишга тайёрман: агар у ердан ҳеч бўлмаганда битта аскар Беларусь ҳудудига менинг халқимни ўлдириш учун келса, агар улар Беларусга қарши тажовуз қилишса, энг қаттиқ жавоб берилади”, дейди у. 

Шу билан бирга, Беларусь раҳбари тинчлик музокараларига чақирди.  

“Агар сиз Украинада тинчлик бўлишини истасангиз, эртадан бошлаб тинчлик ҳақида гапирайлик. Қуроллар эса ўқ отишни тўхтатади”, дейди Лукашенко. 

Унинг фикрича, Украина ҳозир ҳарбий ҳаракатларни тўхтатиш учун энг қулай шароитда. Шу муносабат билан у Украина Президенти Владимир Зеленскийни узоқни кўра олмасликда айблади. 

“Ҳар қандай уруш тинчлик билан тугайди, шунинг учун уни ҳозир тугатайлик. Ҳозир Украина учун янада қулай шароитлар мавжуд. Бу урушни тугатинг ва давом этинг. Ва бу ўринда ҳамма Украинани қўллаб-қувватлайди. Мен эса биринчи бўламан”, дейди у Минскда хорижлик журналистлар билан учрашувда. 

У Украинадаги можаро қаерда бўлмасин, тинч йўл билан ҳал этилишини хоҳлашини билдирган. 

Унинг фикрича, Зеленский узоқни кўра оладиган сиёсатчи сифатида бироз олдинга қараши керак ва Ғарбий Европа бўйлаб югуриб, F-16 ёки бошқа узоқ масофага учувчи қирувчи самолётлар ҳамда MLRS (Америка универсал ракета учириш мосламаси) сўрамаслиги, урушда 100-200-300 минг украиналиклар ҳалок бўлмаслиги учун қандай қилиб тўхташ ҳақида ўйлаши керак.. 

“Зеленский тушуниши керак: у президент, бу унинг мамлакати, унинг давлати ва мустақил сиёсат юритиши зарур. Агар сиз қила олмасангиз (Заленский қила олмайди ва биз буни кўрамиз) бошқалар уддасидан чиқади. Кимлигини мен айтаман. Бу вазиятда балки у ўзгаради ва бошқа одамлар музокаралар олиб боради”, дея қўшимча қилди Лукашенко.