Ким Чен Ин армиянинг жанговар шайлигини оширишни буюрди
Олам
−
09:11 872 1 дақиқа
Шимолий Корея раҳбари Ким Чен Ин ҳарбий қисмларнинг урушга тайёргарлигини ошириш ва жадал машғулотларни кучайтиришга чақирди. Бу ҳақда Корея марказий телеграф агентлиги (ЦТАК) хабар берди.
Маълум қилинишича, Ким Чен Ин Корея Халқ армияси раҳбарияти билан учрашувда рота командирларининг асосий вазифаси бўлинмаларнинг урушга тўлиқ шайлигини таъминлаш эканини таъкидлаган.
Унинг сўзларига кўра, бунинг асосий амалий усули узлуксиз ва жадал ҳарбий машғулотлар ўтказиш ҳисобланади.
Шунингдек, Шимолий Корея раҳбари кучли армияни шакллантиришда қуйи бўғиндаги ҳарбий бўлинмалар муҳим аҳамиятга эга эканини қайд этган. У командирларни бир киши юз кишига қарши тамойили асосида жанг қила оладиган бўлинмаларни тайёрлашга чақирган.
Эслатиб ўтамиз, аввалроқ Шимолий Корея сувости кемаларидан учирилиши мўлжалланган қанотли ракеталарни синовдан ўтказгани ҳақида хабар берилган эди.
Live
Барчаси27 Октябрь
