Қорақалпоғистонда автоҳалокат туфайли 5 киши вафот этди (видео)
−
06 February 2023 15107 1 minute
Қўнғирот тумани “Жаслиқ” посёлка фуқаролар йиғини (ПФЙ)да Nexia-3 ва юк машинаси ўртасида автоҳалокат юзага келиши оқибатида 5 нафар одам вафот этди. Бу ҳақда Қорақалпоғстон Республикаси Ички ишлар вазирлиги хабар берди.
Қайд этилишича, Nexia-3 ҳайдовчиси А-380 “Ғузор-Бухоро-Нукус-Бейнеу” автомобиль йўли билан Қўнғирот тумани “Жаслиқ” ПФЙ марказидан Қўнғирот тумани йўналиши бўйлаб ҳаракатланиб келган. Шу йўлнинг 960-961 километрига келганда автотранспорт бошқарувини йўқотган. Натижада қарама-қарши йўналишда ҳаракатланиб кетаётган Mersedes-Benz юк машинаси билан тўқнашиб кетган.
Шунингдек, воқеага гувоҳ бўлган одамларнинг айтишича, ҳодиса оқибатида 5 киши вафот этган. Уларнинг иккитаси эркак, учтаси эса аёл киши бўлган.
Ҳолат юзасидан ҳозирда Қорақалпоғистон Республикаси ИИВ қошидаги Тергов бошқармаси томонидан Жиноят кодексининг 266-моддаси 3-бўлим “а” (одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) банди билан жиноят иши қўзғатилиб, тергов ҳаракатлари олиб борилмоқда.
Нурмуҳаммад Файзуллаев
Live
AllYangilangan alifboga o'tish rejasi taqdim etildi
21 November