Qoraqalpog‘istonda avtohalokat tufayli 5 kishi vafot etdi (video)
Jamiyat
−
06 fevral 2023
13262Qo‘ng‘irot tumani “Jasliq” posyolka fuqarolar yig‘ini (PFY)da Nexia-3 va yuk mashinasi o‘rtasida avtohalokat yuzaga kelishi oqibatida 5 nafar odam vafot etdi. Bu haqda Qoraqalpog‘ston Respublikasi Ichki ishlar vazirligi xabar berdi.
Qayd etilishicha, Nexia-3 haydovchisi A-380 “G‘uzor-Buxoro-Nukus-Beyneu” avtomobil yo‘li bilan Qo‘ng‘irot tumani “Jasliq” PFY markazidan Qo‘ng‘irot tumani yo‘nalishi bo‘ylab harakatlanib kelgan. Shu yo‘lning 960-961 kilometriga kelganda avtotransport boshqaruvini yo‘qotgan. Natijada qarama-qarshi yo‘nalishda harakatlanib ketayotgan Mersedes-Benz yuk mashinasi bilan to‘qnashib ketgan.
Shuningdek, voqeaga guvoh bo‘lgan odamlarning aytishicha, hodisa oqibatida 5 kishi vafot etgan. Ularning ikkitasi erkak, uchtasi esa ayol kishi bo‘lgan.
Holat yuzasidan hozirda Qoraqalpog‘iston Respublikasi IIV qoshidagi Tergov boshqarmasi tomonidan Jinoyat kodeksining 266-moddasi 3-bo‘lim “a” (odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bandi bilan jinoyat ishi qo‘zg‘atilib, tergov harakatlari olib borilmoqda.
Nurmuhammad Fayzullayev
LiveBarchasi
07 noyabr 2023
07 noyabr 2023
07 noyabr 2023