Қирғизистонда чанғи учаётган қиз жарликка қулаб тушди
Олам
−
09 Февраль 2642 1 дақиқа
Қирғизистоннинг Бишкек шаҳри яқинидаги чанғи курортида 20 ёшли қиз чанғи учаётганида катта тезликда жарликка тушиб кетди. Бу ҳақда “Sputnik Қирғизистон” хабар берди.
Маълум бўлишича, воқеа кеча, 8 февраль куни содир бўлган. 20 ёшли қиз ва унинг дўстлари Қош-Қулоқ тоғ-чанғи курортига борган. Чанғи йўлланмасини олгандан сўнг, улар чанғи учишни бошлаган. Аммо катта тезликда ҳаракатланган қиз хавфсизлик учун қўйилган арқон тўсиқни ёриб ўтиб, жарликдан йиқилган.
Қайд этилишича, қиз ҳозирда реанимация бўлимида. Шифокорлар унга бир нечта суяк синиши, жумладан, умуртқа поғонаси синиши ташхисини қўйган. Полиция ушбу ҳодиса бўйича тергов ҳаракатларини бошлаган.
Эслатиб ўтамиз, аввалроқ америкалик тоғ чанғиси спортчиси Линдси Вонн Италияда бўлиб ўтаётган Қишки Олимпиада ўйинларида жиддий йиқилишдан сўнг жарроҳлик амалиётини ўтказгани ҳақида хабар берилганди.
Жавоҳир Алиқулов
Live
Барчаси
