Қайси мамлакат футболчилари “Олтин тўп”ни энг кўп қўлга киритган?

Аргентина ва Франция футболчилари “Олтин тўп” совринини энг кўп қўлга киритган мамлакатлар ҳисобланади. Ҳар икки мамлакат вакиллари жами саккиз марта ушбу мукофотга сазовор бўлган.

Аргентиналик футболчиларнинг барча совринлари Лионель Месси ҳисобига тўғри келади. Франция эса олти нафар футболчи орқали саккизта мукофотни қўлга киритган.

2026 йилги натижаларни ҳам ҳисобга олганда, Германия, Нидерландия ва Португалия еттитадан соврин билан кейинги ўринларни эгаллайди. Англия футболчилари ҳисобида эса олтита “Олтин тўп” бор.

Мамлакатлар рейтинги:

• Аргентина – 8 та;
• Франция – 8 та;
• Германия – 7 та;
• Нидерландия – 7 та;
• Португалия – 7 та;
• Англия – 6 та;
• Бразилия – 5 та;
• Италия – 5 та;
• Испания – 4 та;
• Украина – 3 та;
• Чехия – 2 та.

Шунингдек, Болгария, Хорватия, Дания, Венгрия, Либерия, Шимолий Ирландия, собиқ СССР ва Шотландия вакиллари ҳам бир мартадан ушбу совринни қўлга киритган.

Маълумот учун, “Олтин тўп” мукофоти 1956 йилдан бери топшириб келинади. 1995 йилгача унга фақат Европа клубларида ўйнайдиган европалик футболчилар даъвогарлик қилиши мумкин эди. Кейинчалик Европа клубларида тўп сурадиган барча миллат вакилларига ҳам имконият берилди. 2007 йилдан эса дунёнинг исталган клубида ўйнайдиган футболчилар ушбу мукофот учун курашиш ҳуқуқига эга бўлди.

2026 йилги тақдирлаш маросими Лондонда бўлиб ўтди. Бу “Олтин тўп” тарихида маросим Париждан ташқарида ташкил этилган илк ҳолат бўлди.