Италия Инфантинони қўллаб-қувватлашдан воз кечди

Италия футбол федерацияси (ИФФ) бўлажак сайловларда амалдаги FIFA президенти Жанни Инфантинони қўллаб-қувватлашдан воз кечди. Бу ҳақда ташкилотнинг расмий веб-сайти хабар берди.

Инфантино 2027 йил 18 март куни Марокаш пойтахти Работ шаҳрида бўлиб ўтадиган FIFA президенти сайловида қайта сайланиш ниятида.

ИФФ президенти Жованни Малаго федерациянинг мазкур қарорини изоҳлар экан, ташкилот UEFA президенти Александр Чефериннинг позициясига мос равишда ҳаракат қилишини таъкидлади.

“Ушбу қарор ИФФ позициясини аниқ ва шаффоф ифодалашга қаратилган. Биз UEFA ва унинг президенти Александр Чефериннинг FIFA президентининг халқаро мусобақаларни бошқариш ва ривожлантириш бўйича сўнгги ташаббусларига тўлиқ мос келадиган позициясини қўллаб-қувватлаймиз. Биз UEFA ва бошқа Европа федерациялари билан ҳамкорликда адолат, бирдамлик, барқарорлик ва мухлисларнинг марказий ролига асосланган футболни ривожлантиришда давом этамиз”,  дейди Малаго.

Эслатиб ўтамиз, аввалроқ Роберто Манчини Италия миллий терма жамоаси бош мураббийи этиб тайинлангани ҳақида хабар берилганди.