Истанбулдан келган йўловчининг сумкасидан арабча тарихий китоблар топилди

north_east

Бухорода Ўрта Осиёдаги энг қадимий металл қуроллар топилди

Туркиянинг Истанбул шаҳридан Тошкент халқаро аэропортига учиб келган самолёт йўловчисининг ёнидан қимматбаҳо ва қадимий китоблар чиқди. Бу ҳақда “Тошкент-Аэро” ихтисослаштирилган божхона комплекси хабар берди.

Қайд этилишича, фуқаронинг юклари орасидан божхона назоратига ўз вақтида тақдим этилмаган, муқоваси жигарранг теридан тайёрланган, араб ёзувлари битилган 1 дона катта ҳажмли ҳамда 1 дона қизил муқовали кичик ҳажмдаги қадимий китоблар борлиги аниқланди.

Дастлабки экспертиза хулосаларига кўра, китобларнинг бугунги кундаги тахминий қиймати 320 миллион сўмни ташкил этмоқда. Мазкур ҳолат бўйича тергов ҳаракатлари олиб борилмоқда.

Эслатиб ўтамиз, жорий йилнинг март ойида Бухоро аэропортида қимматбаҳо металлардан ясалган заргарлик буюмлари ҳамда маданий бойликларни ноқонуний равишда хорижга олиб чиқмоқчи бўлган шахс ушланганди. Олиб чиқиш меъёридан ортиқча бўлган жами 37 дона, оғирлиги 226,04 грамм бўлган заргарлик буюмлари ҳамда тарихий аҳамиятга эга 16 дона кўкрак нишони ва тангалар аниқланиб, ашёвий далил сифатида вақтинча сақловга олинганди.