Исроил “Al-Jazeera” телеканалини ёпишга қарор қилди
Олам
−
20 Октябрь 2023 12939
Исроил ҳукумати “Al-Jazeera”нинг Исроилдаги филиалини ёпишга рухсат берди. Бу ҳақда KAN телеканали хабар берди.
Айтилишича, ҳукумат “давлат хавфсизлигига таҳдид солувчи” оммавий ахборот воситаларини ёпишга қарор қилган. Унга кўра, “Al-Jazeera”нинг Исроилдаги филиалини ёпиш ва жиҳозларини мусодара қилиш назарда тутилган.
Исроил расмийларига кўра, “Al-Jazeera” кўрсатувлари Исроил ҳарбийлари ва фуқароларини хавф остига қўяди.
Қатарнинг “Al-Jazeera” телеканали ваколатхонасини ёпиш ташаббусини Исроил Ташқи разведка хизмати Моссад, Ташқи ишлар вазирлиги, Алоқа вазири Шломо Карҳи ва Мудофаа вазири Йоав Галант қўллаб-қувватлаган.
“Al-Jazeera” ҳозирча Исроил расмийларининг қарори юзасидан ҳеч қандай баёнот бермаган.
