Иноуэнинг навбатдаги жанги санаси аниқ бўлди. Рақиб Аҳмадалиев эмас

Иккинчи ярим енгил вазн тоифасида мутлақ жаҳон чемпиони япониялик Наоя Иноуэ ўзининг навбатдаги жангини ёзда ўтказади. Бу ҳақда “The Ring” хабар берди.

Манбага кўра, 15 июнь куни Иноуэ Американинг Невада штати Лас-Вегас шаҳридаги бокс оқшомида жанг қилади, унинг рақиби WBC рейтингида биринчи рақамли даъвогар, мексикалик Девид Пикассо бўлади.

Маълумот учун, Наоэ Иноуэ 31 ёшда. Япониялик боксчи 2012 йилда профессионал дебютини ўтказган ва 6-жангида жаҳон чемпиони бўлиб, енгил вазн тоифасида (50,8 кг гача) WBC чемпионлигини қўлга киритган. Кейинчалик у иккинчи енгил вазнда (52,2 кг гача), шунингдек, энг енгил (55,3 кг гача) ва иккинчи энг енгил вазнда мутлақ чемпион бўлди.

Эслатиб ўтамиз, аввалроқ Муроджон Аҳмадалиевнинг промоутери, “Matchroom Boxing” промоутерлик компанияси раҳбари Эдди Хирн Бутунжаҳон бокс ассоциациясини (WBA) япониялик жаҳон чемпиони Наоя Иноуэдан ташкилот камарини олиб қўйишга чақирганди.