Шоҳжаҳон Эргашев чемпионлик жангида мағлубиятга учради (видео)

Спорт

−

26 ноябр 2023 visibility22722 timer1 дақиқа

Бугун, 26 ноябрь куни Халқаро бокс федерацияси (IBF) камари учун давъогар ҳисобланган ўзбекистонлик Шоҳжаҳон Эргашев амалдаги чемпион пуэрто-риколик Сабриэль Матиасга қарши рингга кўтарилди.

Американинг Лас-Вегас шаҳрида бўлиб ўтган жанг 12 раундга мўлжалланган эди,бироқ 6-раунд бошланаётган пайт Эргашев жамоаси жангни давом эттирмасликка қарор қилди. Бунга жароҳат сабаб бўлгани айтилмоқда.

Шу тариқа Ўзбекистон вакилининг фаолиятидаги 23 та ғалабали юришига нуқта қўйилди ва у илк мағлубиятини қабул қилиб олди. Матиасда эса 20- ғалаба ва уларнинг барчаси муддатидан олдин якунланган.

Эслатиб ўтамиз, Шоҳжаҳон Эргашев QALAMPIR.UZ'гa берган интервьюсида шу жангдан сўнг боксдаги фаолиятини тугатишини айтган эди.

Мақола муаллифи