Усикнинг навбатдаги рақиби ва жанг санаси маълум бўлди
Спорт
−
28 Апрель 2774
Бокс бўйича WBC, WBA va WBO камарлари соҳиби супер оғир вазн тоифасида мағлубиятсиз одимлаётган украиналик боксчи Александр Усик навбатдаги жангида IBF чемпиони Даниэль Дюбуага қарши рингга кўтарилади. Бу ҳақда Халқаро бокс федерацияси матбуот хизмати хабар берди.
Манбага кўра, ушбу тўқнашув жорий йилнинг 19 июнида Лондондаги “Уэмбли” стадионида ўтказилади. Шунингдек, мазкур жанг ғолиби The Ring камарини қўлга киритади.
Қайд этиш жоиз, мазкур рақиблар 2023 йилда илк бор тўқнаш келган ва унда украиналик боксчи 9-раундда Дюбуани нокаутга учратган.
Маълумот ўрнида, Усик сўнгги жангини 2024 йилнинг 22 декабрь куни Саудия Арабистонида ўтказилган бокс оқшомида англиялик Тайсон Фьюрига қарши рингга чиққан ва очколар ҳисобига кўра, ғалаба қозонган.
Дюбуа эса охирги жангида ҳамюрти Энтони Жошуага қарши рингга кўтарилган ҳамда бешинчи раундда нокаут эвазига ғалаба қозонган.
Live
Барчаси
