Shohjahon Ergashev chempionlik jangida mag‘lubiyatga uchradi (video)
Sport
−
26 noyabr 2023 21887
Bugun, 26 noyabr kuni Xalqaro boks federatsiyasi (IBF) kamari uchun dav’ogar hisoblangan o‘zbekistonlik Shohjahon Ergashev amaldagi chempion puerto-rikolik Sabriel Matiasga qarshi ringga ko‘tarildi.
Amerikaning Las-Vegas shahrida bo‘lib o‘tgan jang 12 raundga mo‘ljallangan edi,biroq 6-raund boshlanayotgan payt Ergashev jamoasi jangni davom ettirmaslikka qaror qildi. Bunga jarohat sabab bo‘lgani aytilmoqda.
Shu tariqa O‘zbekiston vakilining faoliyatidagi 23 ta g‘alabali yurishiga nuqta qo‘yildi va u ilk mag‘lubiyatini qabul qilib oldi. Matiasda esa 20- g‘alaba va ularning barchasi muddatidan oldin yakunlangan.
Eslatib o‘tamiz, Shohjahon Ergashev QALAMPIR.UZ'ga bergan intervyusida shu jangdan so‘ng boksdagi faoliyatini tugatishini aytgan edi.
Live
Barchasi
