Shohjahon Ergashev o‘zining navbatdagi jangini o‘tkazdi
Sport
−
16 fevral 22985
Professional bokschi Shohjahon Ergashev kecha, 15 fevral kuni Farg‘ona shahridagi "Samo" sport majmuasida professional boks oqshomida ringga ko‘tarildi.
Kechaning markaziy jangida o‘zbekistonlik charm qo‘lqop ustasi, IBF kamari uchun sobiq da’vogar Shohjahon Ergashev ugandalik Junju Pauerga qarshi ringga ko‘tarildi. Yarimo‘rta vazn toifasida 12 raund etib belgilangan jang 1-raunddayoq Shohjahon Ergashevning nokautli g‘alabasi bilan yakunlandi. Raund mobaynida bokschimiz raqibini bir necha bor nokdaun holatiga ham tushirib qo‘ydi.
Shu tariqa, Shohjahonning prof boksdagi rekordi 25-2 ko‘rinishiga keldi. U 27 ta jangning 25 tasida g‘alabaga erishgan. Shundan 22 ta jangda g‘alaba muddatidan oldin qo‘lga kiritilgan. 2 ta jangda mag‘lub bo‘lgan, shundan 1 ta jangda muddatidan oldin taslim bo‘lgan.
Live
BarchasiTrenddagilar
