Шоҳжаҳон Эргашев ўзининг навбатдаги жангини ўтказди
Спорт
−
16 Февраль 23010
Профессионал боксчи Шоҳжаҳон Эргашев кеча, 15 февраль куни Фарғона шаҳридаги "Само" спорт мажмуасида профессионал бокс оқшомида рингга кўтарилди.
Кечанинг марказий жангида ўзбекистонлик чарм қўлқоп устаси, IBF камари учун собиқ даъвогар Шоҳжаҳон Эргашев угандалик Жунжу Пауэрга қарши рингга кўтарилди. Яримўрта вазн тоифасида 12 раунд этиб белгиланган жанг 1-раунддаёқ Шоҳжаҳон Эргашевнинг нокаутли ғалабаси билан якунланди. Раунд мобайнида боксчимиз рақибини бир неча бор нокдаун ҳолатига ҳам тушириб қўйди.
Шу тариқа, Шоҳжаҳоннинг проф боксдаги рекорди 25-2 кўринишига келди. У 27 та жангнинг 25 тасида ғалабага эришган. Шундан 22 та жангда ғалаба муддатидан олдин қўлга киритилган. 2 та жангда мағлуб бўлган, шундан 1 та жангда муддатидан олдин таслим бўлган.
Live
Барчаси
