Энтони Жошуа ва Тайсон Фьюри WBA камари учун жанг қилади

Британиялик боксчилар Энтони Жошуа ва Тайсон Фьюри Жаҳон бокс ассоциацияси (WBA)нинг супероғир вазн тоифасидаги чемпионлик камари учун жанг қилади. Бу ҳақда “The Ring” нашри хабар берди.

Жорий йилнинг июнь ойининг охирида фаолияти давомида Жошуа ва Фьюрини икки мартадан мағлуб этган украиналик Александр Усик WBA Super чемпионлик камаридан воз кечган эди.

Усикнинг қароридан сўнг Россия бокс федерацияси Мурат Гассиев WBA’нинг тўлиқ оғир вазн тоифасидаги чемпионига айланганини маълум қилди. Гассиев ҳозирда WBA расмий сайтида жаҳон чемпиони сифатида кўрсатилган.

Жошуа ва Фьюри ўртасидаги жанг жорий йилнинг 11 декабрь куни Кардифф шаҳрида бўлиб ўтиши режалаштирилган.

Маълумот учун, Тайсон Фьюри 2015-2016 йилларда мутлақ жаҳон чемпиони бўлган. Шунингдек, у 2020-2024 йилларда WBC камари соҳиби ҳисобланган. Энтони Жошуа эса фаолияти давомида WBA, WBO ва IBF чемпионлик камарларини қўлга киритган.