Дуров Луврдан ўғирланган буюмларни сотиб олмоқчи

Telegram асосчиси Павел Дуров яна бир бор Франция ҳукуматини кескин танқид қилиб, Лувр музейидан буюмлар ўғирланишини мамлакатнинг таназзули билан боғлади. Бу ҳақда у ўзининг Х ижтимоий тармоғидаги саҳифасида ёзди.

“Луврнинг талон-торож қилиниши мени умуман ажаблантирмади. Бу – илгари буюк бўлган мамлакат таназзулга юз тутганининг яна бир ачинарли белгиси. Ҳукумат эса ҳақиқий таҳдидларга қарши курашиш ўрнига одамларнинг эътиборини сохта хавфлар билан чалғитиш санъатини мукаммал даражага етказган”, дейди Дуров.

Орадан бироз ўтиб, у яна бир пост қолдирди.

“Мен ўғирланган заргарлик буюмларини мамнуният билан сотиб олиб, уларни Луврга қайтараман. Албатта, мен Абу-Даби Луврини назарда тутяпман, чунки у ерда ҳеч ким ўғрилик қилмайди”, дейди Telegram асосчиси.

Эслатиб ўтамиз, аввалроқ афсонавий Лувр музейи ўғрилик сабабли ёпилган эди. Ўғирлаб кетилган бебаҳо артефактлар орасида Наполеон томонидан иккинчи рафиқасига ҳадя қилинган 1 000 дан ортиқ бриллиант ва тошлардан ясалган зумрад маржон, шунингдек, “беқиёс” қийматга эга бошқа хазиналар бор.