Дональд Лу Ўзбекистонга келмоқда
Олам
−
11 Декабрь 2021 7416 1 дақиқа
АҚШ Давлат котибининг Жанубий ва Марказий Осиё масалалари бўйича ёрдамчиси Дональд Лу Ўзбекистонга келмоқда. Бу ҳақда Ўзбекистон Республикаси Ташқи ишлар вазирлиги хабар бермоқда.
Олий даражадаги эришилган келишувларга мувофиқ, жорий йилнинг 13 декабрь куни Тошкент шаҳрида Ўзбекистон Республикаси ва Америка Қўшма Штатлари ўртасидаги Стратегик шериклик мулоқотининг биринчи (инаугурацион) мажлиси бўлиб ўтади.
Ўзбекистон Республикаси делегациясига Ташқи ишлар вазири Абдулазиз Комилов раҳбарлик қилади. Америка томонидан АҚШ Давлат котибининг Жанубий ва Марказий Осиё масалалари бўйича ёрдамчиси Дональд Лу бошчилигидаги делегация иштирок этади.
Эслатиб ўтамиз, жорий йилнинг 3 октябрь куни АҚШ Давлат котибининг ўринбосари Уенди Шерман Ўзбекистонга келиб, Президент Мирзиёев қабулида бўлган эди.
Live
Барчаси
