Бухорода ҳаракатланаётган юк машинаси портлаб кетди

Жамият

image

Жорий йилнинг 10 июнь куни Бухорода юк машинасига ўрнатилган газ баллони портлаб кетган. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар қилди.

Ҳодиса тонгги 5:40 лар атрофида Бухоро вилоятининг Ғиждувон туманида яшовчи 59 ёшли Р.Н. бошқарувидаги “КамАЗ”юк автомашинасини “Зарангари” МФЙ Урганжи қишлоғи ҳудудида ҳаракатланаётган вақтида юз берган.

Юк автомашинасига ўрнатилган газ баллони портлаб кетиши оқибатида юк автомашинасида ёнғин содир бўлган. Кўрилган чоралар натижасида ёнғин ўчирилган.

Оқибатда юк автомашинасининг салон қисми ёниб зарар кўрган. Жароҳат олганлар йўқ. Ушбу ҳодиса юзасидан суриштирув ишлари олиб борилмоқда.


Мақола муаллифи

Теглар

Бухоро Портлаш Юк машинаси Газ баллони

Баҳолаганлар

116

Рейтинг

3

Мақолага баҳо беринг

Дўстларингиз билан улашинг