Блинкен ва Кэмерон Путиннинг ғалаба қозонишига йўл қўймоқчи эмас

АҚШ ва Буюк Британиянинг юқори мартабали мулозимлари пайшанба куни Вашингтондаги бюджет муҳокамасига қарамай, иккала давлат ҳам Украинани қўллаб-қувватлаш учун "биргаликда ҳаракат қилмоқда", дея хабар берди “Turan” ахборот агентлиги.

"Бизда жуда аниқ танлов бор: Путиннинг Украинага қарши тажовузкорлигига чек қўямиз ёки Путин ғалаба қозонади. Россия Украинада зафар қучса, агрессиясини НАТОга кўчирмайди, дея оламизми?" 

Бу ҳақда Давлат котиби Энтони Блинкен Буюк Британия Ташқи ишлар вазири Дэвид Кэмерон билан Давлат департаментида бўлиб ўтган музокаралардан сўнг ўтказилган қўшма брифингда маълум қилди.

Блинкен, Конгрессда Украинага ёрдам бериш бўйича муҳокамаларга тўхталар экан, қўшимча чора-тадбирлар зарурлигини билдирди.

“Чунки Москва, Теҳрон ва Пекинда бу ёрдамнинг барбод бўлишини истайдиганлар бор”, деди у брифингда.

2010-2016 йилларда Британия Ташқи ишлар вазири лавозимида фаолият юритган даврда биринчи расмий ташрифини Украинадан бошлаган Кэмерон АҚШ Давлат котибининг сўзларига қўшилди ва Вашингтонга бекорга келмаганини айтди.

Шунингдек, у Россия босқинини фашизм тажовузига қиёслади.

"Мен буни бизнинг авлодга таҳдид деб биламан. Менинг аждодларим Европадаги фашистлар тажовузига қарши худди шундай курашган эди, биз ҳам Европада Россияга қарши курашамиз", дея қўшимча қилган у ўз нутқида.

Эслатиб ўтамиз, аввалроқ Путин яна президентликка номзодини қўймоқчи эканлиги айтилган эди.