Биткоин нархи кескин арзонлашди

Энг машҳур криптовалюта ҳисобланувчи биткоин курси кескин пасайди. Ўзининг энг юқори қиймати билан солиштирганда токен деярли 25 фоизга арзонлаган. Бугун, 17 ноябрь куни Тошкент вақти билан 13:25 ҳолатида унинг нархи 95 638 долларни ташкил этмоқда.

2025 йилнинг деярли бутун даврида биткоин барқарор ўсишда давом этган. Масалан, октябрь ойида дунёдаги энг машҳур криптовалюта курси 125 минг долларга етган, кейинчалик эса 126 минг доллардан ошган.

Бироқ Investing.com маълумотларига кўра, ҳозирда биткоин кескин қулаган. Бугун, 17 ноябрь куни Тошкент вақти билан 13:25 ҳолатида унинг нархи 95 638 долларни ташкил қилмоқда. Бир кунда нарх 0,5 фоизга, яъни қарийб 500 долларга пасайган. Агар энг юқори кўрсаткич билан солиштирилса, курс деярли 25 фоизга ёки 30 869 долларга тушган.

Шу билан бирга, айрим экспертлар биткоин қийматининг кескин пасайишини англатадиган “айиқча тренд”дан қўрқмасликка чақирмоқда. Уларнинг фикрича, октябрь ва ноябрь ойларида активлар нархининг пасайишига ҳамда инвесторлар кайфиятининг ёмонлашувига олиб келган тебранишларга қарамай, криптобозо­рнинг узоқ муддатли истиқболлари барибир умидли кўринади.

Эслатиб ўтамиз, жорий йилнинг январь ойида Дональд Трампнинг АҚШ Президенти лавозимига инаугурациясидан кейин биткоиннинг кескин ўсиши бошланган эди. Иккинчи “сакраш” эса июль ойида унинг тарифларга доир баёнотлари ортидан юз берди.