Биткоин нархи кескин тушиб кетди

3 февраль куни кечқурун биткоин нархи 2024 йилнинг 6 ноябридан буён илк бор 72,9 минг долларгача пасайди.

Маълум қилинишича, бу тушиш АҚШда 2024 йилги президентлик сайловларида Дональд Трамп ғалаба қозонганидан бери қайд этилган энг паст даражадир.

Трампнинг сайловдаги ғалабасидан сўнг криптовалюталар бозори кескин ўсишни бошлаган, инвесторлар АҚШнинг янги Президенти рақамли активларга нисбатан дўстона сиёсат юритишига умид қилган эди. Шу сабабли криптовалюталар бирин-кетин тарихий рекордларни янгилаган. Бироқ, орадан сал кўпроқ вақт ўтиб, бозор аввалги даражаларига қайтган ва эришилган ўсиш деярли тўлиқ йўқолган.

Сўнгги бир сутка ичида биткоин 2,8 фоизга арзонлаган, бир ҳафта давомида эса унинг қиймати 14 фоизга пасайган. Тошкент вақти билан соат 13:00 ҳолатига кўра, биткоин тахминан 76,4 минг доллар атрофида савдо қилинган. 2025 йилнинг 6 октябрда биткоин тарихий максимум – 126 минг долларга етган эди. Ўшандан буён унинг нархи қарийб 40 фоизга тушди.

Криптовалюталар бозорининг умумий капиталлашуви сўнгги 24 соат ичида 2 фоизга қисқариб, 2,59 триллион долларга тушди.

Эслатиб ўтамиз, “TradingView” маълумотига кўра, кеча, 4 февраль Тошкент вақти билан 16:00 ҳолатида биткоин курси 22 млн 609 минг 956 сўмга тушган ва 934 млн 151 минг 460 сўм этиб белгиланган.