Биткоин нархи тарихий рекорд даражага етди

Биткоин нархи барча вақтлардаги янги рекорд даражага – етди. Бу ҳақда CoinMarketCap маълумотларида келтирилган.

Айни пайтда криптовалютанинг нархи 109,1 минг долларга етди. Рақамли активнинг нархи 108,9 минг долларга (+3,63 фози) тушиб кетди.

Ўтган ҳафта Битсоин ўсишга қайтишдан олдин икки ой ичида биринчи марта 90 минг доллардан пастга тушди. Кеча, 19 январь куни АҚШнинг сайланган президенти Дональд Трампнинг рафиқаси Мелания Трамп ўзининг мемкоинини (ижтимоий эксперимент сифатида яратилаётган криптовалюта) ишга тушириши фонида Биткоин нархи 100 минг доллардан пастга тушди. Ундан олдин мемкоинни унинг эри Трамп чиқарган. Савдонинг дастлабки 24 соати давомида унинг капиталлашуви тўққиз баробар ошди ва ҳозирда 15 миллиард долларга яқинлашди.

Биткоин нархи 2024 йил охирида Трамп АҚШ сайловларида ғалаба қозонганидан сўнг рекордларни янгилашни бошлади. Негаки у крипто саноатини ривожлантиришни фаол ҳимоя қилади.

Биткоин нархининг ошиши ҳам индивидуал, ҳам институционал инвесторларнинг эътиборини тортмоқда. Кўпчилик буни инфляция ва иқтисодий беқарорликдан ҳимоя қилиш деб билади. Бироқ, Биткоиннинг юқори волатиллиги молиявий барқарорликка хавф туғдирадиган спекулятив пуфакчаларга олиб келиши мумкин. Биткоиннинг тобора оммалашиб бораётгани давлатларнинг пул-кредит сиёсатига ҳам таъсир қилиши мумкин. Марказий банклар криптовалюталарнинг иқтисодиётга таъсирини ҳисобга олган ҳолда пул оқимларини тартибга солиш ва назорат қилиш бўйича ўз ёндашувларини қайта кўриб чиқиши мумкин. Биткоин нархининг ошиши глобал иқтисодиётга комплекс таъсир кўрсатади, инновацияларни рағбатлантиради, инвестиция стратегияларини ўзгартиради ва ҳукумат ва молия институтларини мослашишга мажбур қилади.

Эслатиб ўтамиз, ўтган йилнинг декабрь ойи бошларида Биткоин нархи савдо тарихи давомида илк бор 100 минг доллардан ошганди.