Бензема Роналдуга “провокация” қилди 

Франциялик ҳужумчи Карим Бензема собиқ жамоадоши Криштиану Роналдуни “Ал-Ҳилол”га ўтганидан кейин яна Саудия Про-лигаси чемпионлигини қўлга киритиши ҳақидаги ҳазил билан ғазаблантирди. Бу ҳақда “The Telegraph” нашри хабар берди.

Манбага кўра, Бензема “Ал-Ҳилол”га трансфери амалга ошгандан сўнг собиқ жамоадоши Роналдуга хабар юборган.  Француз футболчи SMS орқали Роналдуга нафақат маоши оширилганини, балки лигада яна ғалаба қозонишни ҳам ёзган. Бу ҳазил, кўринишидан чемпионликка интилаётган Роналдуга ёқмаган. 

Роналду “Ал-Наср”да ўйнаётганда жамоасининг қишки трансфер ойнасида кучаймаганидан норози бўлганди.

Маълумот учун, ҳозирда “Ал-Ҳилол” Саудия Про-лигада 50 очко билан биринчи ўринни эгаллаб турибди, “Ал-Наср” эса атиги бир очко кам тўплаган ҳолда иккинчи ўринда бормоқда.

Эслатиб ўтамиз, аввалроқ Криштиану Роналду бойкотни якунлагани ва жамоа сафида ўйнашни давом эттиришга тайёрлиги ҳақида хабар берилган эди.