Роналду янги бизнесга 10 млн евро пул тикди
Sport
−
14:31 2258 1 minute
Португалиялик ҳужумчи Криштиану Роналду минерал сув ишлаб чиқаришга 10 миллион евро сармоя киритди. Бу ҳақда “Sic Noticias” хабар берди.
Қайд этилишича, янги бизнесда футболчининг ҳамкори Grupo Ouhterinho компанияси бўлиб, у ҳам шунча миқдорда маблағ ажратган. Лойиҳага киритилган умумий инвестициялар ҳажми йигирма миллион еврога етган. Сув қазиб олишни Брагансада (Португалия) ташкил этиш режалаштирилган.
Завод қурилишини якунлаш ва бренднинг бозорга чиқиши 2027 йил охиригача амалга ошиши кутилмоқда.
Маълумот учун, 41 ёшли Роналду 2023 йилнинг ёзида Мадридда тақдим этилган “Ursu9” сув брендининг ҳам ҳаммуассиси ҳисобланади.
Қайд этиш жоиз, Роналду ҳозирда терма жамоадаги голлар ва ўйинлар сони бўйича жаҳон рекорчиси бўлиб қолмоқда: у 233 та расмий учрашувда 146 та гол урган.
Live
All
