Бектемир Мелиқўзиевнинг навбатдаги рақиби маълум бўлди

Ўзбекистонлик профиссионал боксчи, супер ўрта вазн тоифасида фаолият олиб бораётган Бектемир Мелиқўзиевнинг навбатдаги жанг санаси ва рақиби маълум бўлди. Бу ҳақда боксчи ўзининг Instagram саҳифасида маълум қилди.

Бектемир Мелиқўзиев жорий йилнинг 22 февраль тонгида АҚШнинг Лас-Вегас шаҳрида ташкил этиладиган профессионал бокс оқшомининг асосий кардида рингга кўтарилади. Бектемирга ўша куни Гана вакили Сена Агбеко рақиб бўлади.

Оқшомнинг марказий жанги ярим ўрта вазн тоифасида WBC чемпиони Марио Барриос ва собиқ жаҳон чемпиони Райан Гарсия ўртасида кечади. Иккинчи асосий баҳсда эса Ричардсон Хитчинс ўз камарини Оскар Дуартедан ҳимоя қилишга уриниб кўради.

Маълумот учун, 29 ёшли Бектемир Мелиқўзиев профессионал боксда  ҳозиргача 17 та жанг ўтказиб, 16 та ғалаба ва 1 та мағлубият қайд этган. 33 яшар Сена Агбеко ҳисобида эса 29 та ғалаба ва 4 та мағлубият бор.