Байден 28 йилдан буён ўзгармаган солиқ турини оширади
Олам
−
16 Март 2021 3460
АҚШ Президенти Жо Байден 1993 йилдан бери биринчи марта мамлакатдаги федераль солиқларни катта миқдорда оширишни режалаштирмоқда. Бу ҳақда "Bloomberg" хабар берган.
Нашрнинг таъкидлашича, бу коронавирус пандемияси масаласида узоқ муддатли иқтисодий ёрдам дастурини молиялаштириш учун зарур.
Манбаларга кўра, Байденнинг иқтисодий дастури ҳажми 2 триллион доллардан 4 триллион долларгача бўлади.
Янги солиқ чоралари келаси йилдан кучга кириши мумкин.
Аввалроқ, АҚШ Президенти Жо Байден коронавирус пандемияси билан зарарланган мамлакат иқтисодиётини қўллаб-қувватлашга қаратилган 1,9 триллион долларлик чора-тадбирлар пакетини маъқуллаганди.
