Автобусда 12 ёшли болага тегажоғлик қилган эркак 6 йилга қамалди

north_east

Тошкентда педофил эркак ўғил болага тегажоғлик қилди (видео)

2025 йилнинг 4 февраль куни Тошкент шаҳридаги йўловчи ташувчи автобусда вояга етмаган болага тегажоғлик қилган эркак 6 йилга қамалди. Бу ҳақда QALAMPIR.UZ суд ҳукми билан танишди.

2025 йилнинг 20 июнь куни Тошкент шаҳар жиноят ишлари бўйича Чилонзор туман судида бўлиб ўтган мажлисида 37 ёшли ушбу жирканч унсурга суд ҳукми билан Жиноят кодексининг 129-модда 3-қисмига кўра 6 йил озодликдан маҳрум қилиш жазоси берилган.

Маълум бўлишича, 2025 йилнинг февраль ойида фуқаро Х.Ғ (1988 йилда туғилган эркак) соат 21:00 ларда “Чилонзор буюм бозори”дан Ўзбекистон меҳмонхонаси йўналишидаги 98-сонли автобусга йўловчи сифатида чиқиб, маст ҳолда вояга етмаган, 2012 йилда туғилган ўғил болага автобусда бир ўзи кетаётганлигидан фойдаланиб, жинсий тегажоғлик ва боланинг шаънига зид бошқа ноқонуний ҳаракатлар қилган. 

Судланувчи суд мажлисида айбига иқрор бўлган. Судда берган кўрсатмасида у 2025 йил 4 февраль куни Зангиота туманида жойлашган целлофан ишлаб чиқариш сехида ишлаб, иш ҳақи сифатида 442 минг сўм миқдоридаги пулларни олиб чиққанини, сўнг Зангиота тумани ҳудудида жойлашган “Вино-водка”дан спиртли ичимлик сотиб олиб, истеъмол қилганини айтган. Шундан сўнг, эркак Damas русумли автомашинага ўтириб, Тошкент шаҳар Чилонзор туман ҳудудида жойлашган “Чилонзор буюм бозори”га борган ва шу вақтда у жуда кўп миқдорда спиртли ичимлик истеъмол қилгани сабабли кейин нима бўлганлигини эслай олмаган. Бундан ташқари судда эркак кейин кўзини очиб қараса Олмазор тумани Қорақамиш даҳасидаги оқиб ўтувчи анҳор ёнида эканини билганини, сўнг уни ИИО ходимлари тегишли тартибда ушлаб, маъмурий ҳуқуқбузарлик содир этгани сабабли суд томонидан унга нисбатан 3 сутка маъмурий қамоқ жазоси тайинланганлигинини билдирган.

Кейинчалик билса у 2025 йил 4 февраль куни соат 20:00 ларда Чилонзор тумани, 20-мавзе ҳудудида ҳаракатланаётган 98-сонли автобусда ўзига аввалдан нотаниш бўлган болага спиртли ичимлик истеъмол қилган ҳолда уятсиз-бузуқ ҳаракатлар содир қилган. Шунингдек, у ўзини ижтимоий тармоқларда автобусда вояга етмаган бола ёнига уни кетишига йўл қўймаётган видео тасвирларини кўрганини айтган ва суддан енгилроқ жазо тайинлашни сўраган.

Суд ҳукми билан эркакка нисбатан тайинланган 6 йиллик қамоқ жазоси умумий тартибли колонияларда ўташи белгиланган. 

Эслатиб ўтамиз, аввалроқ Ўзбекистонда педофилларга умрбод қамоқ жазоси тайинланиши мумкинлиги айтилган эди. Кейироқ, Ўзбекистон Президенти Шавкат Мирзиёев педофилия учун умрбод озодликдан маҳрум этиш жазосини жорий қилишни маъқуллади.