Аргентина АҚШга эргашиб ЖССТдан чиқишини эълон қилди

Аргентина Президенти Хавьер Милей ташкилотнинг COVID-19 пандемиясига қарши курашдаги усулларидан норозилигини билдириб, Ташқи ишлар вазири Херардо Херардо Вертейнуга мамлакатни Жаҳон Соғлиқни Сақлаш Ташкилотидан (ЖССТ) чиқариш бўйича топшириқ берди. Бу ҳақда “Buenos Aires Herald” хабар берди.

Президент матбуот котиби Мануэль Адорни пандемия давомида ЖССТ томонидан амалга оширилган тадбирлар ва илгари ташкилотга президент бўлган Альберто Фернандес томонидан қабул қилинган қарорлар “Аргентина учун инсоният тарихидаги энг узоқ муддатли карантин”га олиб келганини ва мамлакатни “муайян давлатларнинг сиёсий таъсири остида бўлишига” сабабчи бўлганини таъкидлаган. Хабарда, шунингдек, ЖССТнинг эпидемия давридаги “чегарасиз карантинлари”нинг илмий далилларсиз амалга оширилгани қайд этилган. 

“Аргентина халқи халқаро ташкилотларнинг бизнинг суверенитетимизга, ҳатто соғлиғимизга аралашишига йўл қўймайди”, деди Адорни.

Унинг сўзларига кўра, ЖССТдан чиқиш Аргентина соғлиқни сақлаш тизимининг сифатига таъсир кўрсатмайди.

“Бу бизнинг соғлиқни сақлаш соҳасида суверенитетга эга бўлган мамлакат сифатидаги йўлимизни мустаҳкамлайди”, деди у.

Президент вакили ЖССТдан чиқишдан ташқари Аргентина Париж келишувидан ҳам чиқишни кўриб чиқаётганини қўшимча қилган.

Эслатиб ўтамиз, шу йил январь ойида АҚШ Президенти Дональд лавозимига киришганиданоқ мамлакатнинг ЖССТдан чиқиши ҳақида фармон имзолаганди. Бундан ташқари, Трамп кеча, 4 февраль куни АҚШни Бирлашган Миллатлар Ташкилотининг Инсон ҳуқуқлари кенгашидан чиқаришни ва Фаластинлик қочқинларни қўллаб-қувватлайдиган БМТнинг Яқин Шарқ агентлигига (UNRWA) молиявий ёрдамни тақиқлашни буюрди ҳамда бу ташкилотларни “антимерикан” деб атади.