Абдусатторов халқаро мусобақада ғолиб бўлди

Спорт

−

25 Май 2023 visibility7130

Ўзбекистонлик гроссмейстер Нодирбек Абдусатторов “ChessKid” онлайн турнирида ғолибликни қўлга киритди.

Мусобақанинг финалида Абдусатторов нидерландиялик Йорден ван Форестга қарши дона сурди. Баҳс 2,5:1,5 ҳисобида ўзбекистонлик шахматчининг фойдасига ҳал бўлди. Гроссмейстерлар ўртасидаги 4 та партиянинг 3 тасида дуранг қайд этилди. 3-партияда Нодирбек қора доналарда рақибидан устун келди.

Абдусатторовнинг Йорден ван Форест билан йўллари олдин ҳам кўп кесишган. “Тата Стеэл Чесс-2023” халқаро турнирида ҳам икки шахматчи ўзаро куч синашган ва баҳсда нидерландиялик шахматчининг қўли баланд келганди.

Эслатиб ўтамиз, охирги марта Абдусатторов онлайн тарзда ўтказилган “Chessable Masters” халқаро турнирининг 2-дивизионида ғолиб бўлганди. Нодирбек шу йилнинг март ойида Тошкент шаҳрида ўтказилган “Рустам Қосимжонов халқаро турнири”да иштирок этиб, 5-ўрин билан кифояланганди.

Мақола муаллифи

Шахзод Шукуров

Теглар

Нодирбек Абдусатторов Йорден ван Форест

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Қуддусда Исроил аскарини пичоқлаган туркиялик сайёҳ отиб ўлдирилди

Қайд этилишича, Туркия фуқароси бўлган 34 ёшли Ҳасан Сакан яҳудий аскарига пичоқ билан ҳужум қилган. Шундан сўнг эркак полиция томонидан отиб ўлдирилган.