Абдусатторов халқаро турнирда ғолиб бўлди
Спорт
−
07 Апрель 2023 8473
Онлайн тарзда ўтказилган “Chessable Masters” халқаро турнирининг 2-дивизиони баҳслари якунланди. Мусобақада иштирок этган ўзбекистонлик гроссмейстер Нодирбек Абдусатторов ўз дивизионида етакчи бўлди.
Нодирбек финалда франциялик Максим Вачиер-Лагравени 3:0 ҳисобида мағлубиятга учратди ва турнир ғолибига айланди. 8 апрель куни у Гранд финал учрашувида дона суради.
Мусобақа давомида Абдусатторов Аниш Гири, Аржун Эригаиси каби жаҳон шахмати юлдузларини мағлуб этди.
Маълумот учун, “Chessable Masters” халқаро турнири ўйинлари 3 та дивизионда ўтказилмоқда. Турнирнинг 1-дивизионида Магнус Карлсен, Уэслей Со, Фабиано Каруана, Ҳикару Накамура ва бошқа кучли шахматчилар ғолиблик учун дона сурмоқда. Мусобақа соврин жамғармаси 1 миллион 410 минг АҚШ долларини ташкил этади.
