Абдулазиз Комилов Афғонистонга боради
Жамият
−
22 Февраль 2021 2566
Ўзбекистон ташқи ишлар вазири Абдулазиз Комилов эртага, 23 февраль куни амалий ташриф билан Афғонистонга боради. Бу ҳақда вазирлик матбуот хизмати хабар берди.
Бўлажак учрашувлар ва музокаралар чоғида Ўзбекистон-Афғонистон муносабатларининг ҳозирги ҳолати ва келгусида ривожланиш истиқболларини муҳокама қилиш режалаштирилган.
Минтақалараро савдо айланмасини кўпайтириш, Марказий ва Жанубий Осиёни боғлайдиган қўшма транспорт-коммуникация лойиҳаларини амалга оширишнинг янги имкониятлари бўйича фикр алмашилади.
Эслатиб ўтамиз, Абдулазиз Комилов ўтган ҳафтада Туркманистон, Қозоғистон ва Тожикистонда бўлиб, ушбу давлатлар Президентлари билан учрашди. У қўшни давлатлар раҳбарларига Ўзбекистон Президенти Шавкат Мирзиёевнинг мактубини етказди.
Live
Барчаси
