Ҳакамнинг онасини фоҳиша деб атаган футболчи 8та ўйинга дисквалификация қилинди
Спорт
−
11 Апрель 2019 7772
Асли бразилиялик бўлган “Атлетико” клуби ҳужумчиси Диего Коста Испания футбол федерацияси томонидан 8та ўйинга дисквалификация қилинди.
Маълумотларга кўра, Испания терма жамоаси форварди “Барселона”га қарши ЛаЛиганинг 32-тур учрашувида ишлаган ҳакам Хесус Хиль Мансанони ҳақорат қилган.
Ҳужумчи учрашувнинг биринчи таймидаёқмайдондан четлатилган эди. Мансано ўзининг ўйиндан кейинги ҳисоботида, футболчи унинг онасини сўкканини ёзган. Диего Коста бу айбловларни тан олмади. Бироқ, унинг айби тўлиқ исботланган, чунки футболчининг товуши ҳакам микрофонидан эшитилган.
Маълумот учун, ўша баҳсда Костанинг четлатигач, "Атлетико" "Барселонага" 0:2 ҳисобида имкониятни бой бериб қўйган эди.
Энди Диего Коста мавсумнинг қолган қисмини тўлиқ майдондан ташқарида ўтказади.
Live
БарчасиБухорода Ғиждувон деҳқон бозори ёнмоқда.
14 Декабрь
