“Барселона” “Атлетико”га қарши ўйинлардаги рекордини янгилади

Испания кубоги ярим финали жавоб учрашувида “Барселона” ва “Атлетико” жамоалари тўқнаш келди. Томонлар ўртасидаги биринчи ўйинда 4:4 ҳисоби қайд этилганди, иккинчи ўйинда “кўк-анорранглилар” кичик ҳисобда зафар қучиб, турнир финалига йўл олди.

Шундай қилиб, “Барселона”нинг Испания кубоги доирасида “Атлетико Мадрид” устидан кетма-кет тўртинчи ғалабасини қайд этди. Каталонияликлар “матрасчилар”га қарши ўйинлар билан тарихида биринчи марта бундай омадли серияга эришди. Бундан ташқари, уларнинг мадридликлар билан мағлубиятсиз серияси 8 та ўйинга етди: 6 та ғалаба ва 2 та дуранг.

Қирол кубоги финалига келадиган бўлсак, мухлислар 2014 йилдан бери биринчи марта турнирнинг ҳал қилувчи ўйинида “Эль класико” томоша қиладиган бўлди. Умумий ҳисобда “Барселона” ва “Реал” финалда етти марта тўқнаш келган. Шундан «қаймоқранглилар» тўрт марта, “кўк-анорранглилар” эса уч марта ғалаба қозонган.