Жонсон Ҳукуматини тарк этган вазирлар 12 тага етди

Борис Жонсон ҳукуматини яна олти нафар вазир тарк этди. Бу ҳақда “The Independent” нашри хабар берди. 

Саноат вазири Ли Роули ва яна 5 нафар амалдор истеъфога чиқди ва қўшма мактубда Бош вазир Борис Жонсонни истеъфога чиқишга чақирди. 

“Биз чуқур афсус билан ҳукумат аъзолари лавозимимиздан истеъфога чиқамиз. Яхши ният билан сиздан партия ва мамлакат манфаати учун истеъфога чиқишингизни сўраймиз”, дейилади Twitter’да эълон қилинган баёнотда. 

Роулидан ташқари ҳужжатни қуйидаги амалдорлар имзоладилар:  ОАВ, ахборот ва рақамли инфратузилма вазири Жулиа Лопез,Тенглик ва маҳаллий бошқарув вазири Каэми Баденок, Таълим вазири Алекс Бургарт, Уй-жой вазири Нил О’Брайен ва Консерваторлар кенгаши аъзоси Мимз Дэвис. 

Шу тариқа истеъфога чиққан вазирларнинг умумий сони 12 нафарга етди.

Пинчер даъвоси

Маълумотларга кўра, Ҳукуматнинг қулаши ортида Буюк Британиядаги жинсий зўравонлик билан боғлиқ сиёсий зиддият турибди. Воқеа ўзини ноўрин тутгани айтилаётган Торй раисининг собиқ ўринбосари Крис Пинчер ва Пинчерни лавозимга тайинлаганида унинг аввалги ўхшаш хатти-ҳаракатларидан хабардор бўлгани айтилган Бош вазир Борис Жонсон билан боғлиқ.

Гап шундаки, Крис Пинчер Олимпия ўйинларида эшкак эшувчи ва консерватив номзод Алекс Стори томонидан жинсий зўравонликда айбланган

Аввалига Жонсон Пинчер 2019 йилда жинсий зўравонлик бўйича терговга тортилганидан бехабар бўлганини айтган. Кеча, 5 июль куни маълум бўлишича, Бош вазир бундан хабардор бўлган, аммо барибир бу лавозимга Пинчерни тайинлаган. 

Кейинчалик Жонсон Пинчернинг лавозимига тайинлангани учун узр сўради ва Ҳукуматда ўз ваколатларини суиистеъмол қилганларга ўрин йўқлигини айтди.

Пинчер 2022 йил 30 июнь куни Лондоннинг Сент-Жеймс шаҳридаги клубда кечаси қаттиқ маст бўлиб, “ўзини ва бошқаларни шарманда қилганини” тан олиб, Ҳукумат раҳбари ўринбосари лавозимидан истеъфога чиқди.