Жейми Варди Англия футболига қайтди

Англия чемпиони Жейми Варди Англия футболига қайтди. 39 ёшли ҳужумчи “Бёрнли” билан мавсум охирига қадар шартнома имзолади. Бу ҳақда клуб матбуот хизмати хабар берди.

“Бёрнли”га қўшилганимдан жуда хурсандман. Бу клуб бой футбол тарихига ва ўзини ҳамда шаҳарни муносиб ифода этадиган жамоага лойиқ бўлган ишқибозларга эга. Майдонга чиқиб, жамоанинг тўғри йўналишда ҳаракатланишига ёрдам беришни интиқлик билан кутяпман”,  дейди Варди клуб расмий сайтига берган интервьюсида.

Маълумот учун, Варди ўтган мавсумни Италиянинг “Кремонезе” клубида ўтказиб, А Серияда 29 та ўйинда 7 та гол урган. Жамоа мавсум якунида қуйи дивизионга тушиб кетгач, футболчи эркин агентга айланган.

Эслатиб ўтамиз, жорий йилнинг август ойидан буён 18 ёшли қозоғистонлик ҳужумчи Дастан Сатпаев ҳам “Бёрнли”да “Челси”дан ижара асосида тўп тепмоқда. Клуб мавсумни омадсиз бошлади ва дастлабки беш учрашувдан сўнг 2 очко билан Чемпионшип жадвалининг сўнгги поғонасида бормоқда.