Зеленский тинчликка тайёр эмас – Трамп

north_east

Зеленский Трампдан кечирим сўрамаслигини айтди

АҚШ Президенти Дональд Трамп Украина етакчиси Владимир Зеленскийни “тинчликка тайёр эмаслигини” айтди. Бу ҳақда АҚШ раҳабри ўз Truth Social ижтимоий тармоғида ёзиб қолдирди.

Унинг сўзларига кўра, Украина раҳбари АҚШга нисбатан ҳурматсизлик кўрсатган.

“Мен Президент Зеленскийнинг тинчликка тайёр эмаслигини аниқладим, чунки у бизнинг иштирокимиз музокараларда унга катта устунлик беришини ҳис қилмоқда. Мен устунликни хоҳламайман, мен тинчликни хоҳлайман”, дея ёзган Трамп.

Шунингдек, Америка Қўшма Штатлари раҳбари Зеленский тинчликка тайёр бўлганда Оқ уйга яна келиши мумкинлигини айтган.

“У Овал кабинетда Америка Қўшма Штатларига ҳурматсизлик қилди. У тинчликка тайёр бўлганда қайтиши мумкин”, деб ёзди у.

Қолаверса, Трамп Зеленскийни ҳиссиётларга берилиб кетганини ҳам қўшимча қилган.

Эслатиб ўтамиз, 28 февраль куни Оқ уйда АҚШ Президенти ва Украина раҳбари ўртасида баҳсли мунозара бўлиб ўтганди. Икки ўртадаги тортишувдан сўнг, Украина раҳбари Оқ уйни кутилганидан кўра эртароқ тарк этди. Шунингдек, Зеленский мунозарадан сўнг, Франция Президенти Эммануэль Макрон ва НАТО Бош котиби Марк Рютте билан қўнғироқлашди. Икки қўнғироқнинг ҳам тафсилотлари очиқланмаган.