Zelenskiy Si Szinpin bilan suhbatining tafsilotlarini oshkor qildi

Ukraina Prezidenti Vladimir Zelenskiy Xitoy rahbari Si Szinpin bilan telefon suhbatiga izoh berdi va u bilan shaxsiy uchrashuvni muhokama qilmaganligini aytdi. Bu haqda u Chexiya Prezidenti Petr Pavel va Slovakiya Prezidenti Zuzana Chaputova bilan birga o‘tkazgan matbuot anjumanida gapirdi.

Zelenskiyning so‘zlariga ko‘ra, ular Xitoy Kommunistik partiyasi rahbari bilan ehtimoliy uchrashuvni muhokama qilmagan, ammo ular tinchlik formulasi, mahbuslarni ozod qilish, yadroviy xavfsizlik, don eksporti va Rossiyaga qurol yetkazib berish imkoniyatlari haqida gaplashgan.

“Biz muhim narsalarni suhbatlashdik. Kelgusi uchrashuvlarga kelsak, bu haqda gaplashmadik”, degan Ukraina Prezidenti.

Bundan tashqari, Zelenskiy suhbat davomida Xitoy rahbarini asirga olingan ukrainaliklar va Rossiya tomonidan olib ketilgan bolalarni qaytarishga yordam berishga chaqirganini ta’kidlagan.

Eslatib o‘tamiz, oldinroq Zelenskiy Si Szinpin bilan telefonda muloqot o‘tkazgan, BMT esa mazkur suhbatni ijobiy baholagan edi.