“Ювентус”да кутилмаган истеъфо
Спорт
−
17 Май 2019 4465
“Ювентус” клуби бош мураббийи Массимилиано Аллегри мавсум охирида клубни тарк этади. Бу ҳақида Турин клуби расмий сайтида эълон қилинди.
Мураббийнинг истеъфосига катта эҳтимол билан жамоанинг ЕЧЛдаги мувоффақиятсизлиги сабаб бўлган бўлиши мумкин. Бу борада эртага, 18 май куни клуб президенти Андреа Аньелли ва Аллегри иштирокида мутахассиснинг истеъфосига аталган матбуот анжумани бўлиб ўтади.
Маълумот учун, “Ювентус” Массимилиано Аллегри қўл остида 5 марта А Серия, 4 марта Италия Кубоги ва 2 марта мамлакат Суперкубогида зафар қучди. Аллегри Турин клубида 269та баҳс ўтказиб, 191та ғалабага эришган.
