Юнусободда бир одам 4 кишини пичоқлади. Қурбонлар бор – Бош прокуратура

Ижтимоий тармоқларда Тошкент шаҳар, Юнусобод туманида қотиллик содир этилганлиги юзасидан хабар тарқалганди. Ўзбекистон Бош прокуратураси Матбуот хизмати мазкур ҳолат юзасидан муносабат билдирди.

Аниқланишича, кеча, 20 сентябрь куни соат 06:00 ларда Юнусобод тумани, Амир Темур кўчасида жойлашган тунги клубдан чиққан шахслар кўчада турган бошқа бир гуруҳ шахслар билан ўзаро жанжаллашган.

Жанжал вақтида, фуқаро С.Х. ёнида бўлган пичоқ билан 4 нафар шахсга бир неча мартотаба тан-жароҳатлари етказиб, ҳодиса жойидан яширинган.

Оқибатда, 2 нафар шахс вафот этган, қолган 2 нафарини ҳаёти сақлаб қолинган.

Мазкур ҳолат юзасидан шу куни Тошкент шаҳар прокуратураси томонидан С.Х.га нисбатан Жиноят кодексининг 97-моддаси 2-қисми “а, л” бандлари, 25,97-моддаси 2-қисми “а, л” бандлари билан жиноят иши қўзғатилган. 

С.Х. процессуал тартибда ушланган.

Тергов ҳаракатлари олиб борилмоқда.