Япония гўзали танловида украиналик қиз ғолиб бўлди (фото, видео)
Бу қизиқ
−
25 Январь 54645
Келиб чиқиши украиналик 26 ёшли Каролина Сиино “Miss Japan” танловида ғолиб чиқди. Бу ҳақда “Newsonjapan.com” сайти маълум қилди.
Қайд этилишича, Каролина Украинанинг Тернополь шаҳрида туғилган. У беш ёшида оиласи билан Японияга кўчиб ўтган ва Айти префектурасининг Нагоя шаҳрида ўсган.
У Япониядан ташқарида туғилиб, гўзаллик танловида етакчи деб топилган биринчи қиз бўлиш билан бир қаторда танлов тарихидаги энг ёши катта (26 ёш) совриндор экани ҳам маълум бўлди.
"Япон гўзали" тож топшириш маросимидан сўнг берган интервюсида танловда миллати билан боғлиқ юзага келган муаммолар ҳақида гапирди.
“Албатта ирқий тўсиқлар бор эди ва мени япон сифатида қабул қилиш қийин кечди. Айни пайтда мен жуда хурсандман”, деган кўз ёшлари билан Сиино.
Япон тилида мукаммал сўзлаша оладиган Каролина 2022 йилда мамлакат фуқаролигини қабул қилганидан кейин “Miss Japan” танловига ариза топширган. Унинг сўзларига кўра, у буни "одамлар ташқи кўринишига қараб баҳоланмайдиган жамият яратиш" учун қилган.
Эслатиб ўтамиз, аввалроқ “Miss International-2022” танловида Ўзбекистон вакили совриндор бўлган эди.
Live
Барчаси
