Яна бир машҳур футболчи Саудия клубига ўтмоқда
Спорт
−
11 Июль 2023 2960
Италиянинг “Лацио” клуби етакчиси Сергей Милинкович-Савич фаолиятини Саудия Арабистонида давом эттиришга яқин турибди. Бу ҳақда “SkySport” хабар берди.
Манбага кўра, “Ал-Ҳилол” клуби Савич трансфери учун Рим клубига 40 миллион евро таклиф қилган. Саудия клубидан ташқари Савичга “Интер”, “Милан” ва “Ювентус” каби клублар қизиқиш билдирмоқда, бироқ Италиянинг ҳеч бир клуби сербиялик футболчи трансфери учун “Ал-Ҳилол” каби катта сумма таклиф қила олмайди.
Қайд этилишича, томонлар трансфер бўйича тўлиқ келишувга эришган ва тез орада трансфер расман эълон қилиниши кутилмоқда.
Ортда қолган мавсумда Савич “Лацио” сафида умумий 47 та ўйинда майдонга тушиб, 11 та гол урди ва 8 та голга ассистентлик қилди. Унинг Рим клуби билан амалдаги шартномаси 2024 йилга қадар мўлжалланган. Савичнинг трансфер қиймати 50 миллион еврони ташкил этади.
