Яккабоғда фермер ишчиси аёлларни ёқиб юборишга уринди (видео)

Жамият

Ижтимоий тармоқларда Қашқадарё вилоятининг Яккабоғ туманида фермер ишчиси аёлларнинг устига ёнилғи сепиб ёқиб юборишга урингани тасвирланган видео тарқалди.

Видеода бир қанча аёллар қўлида идиш кўтарган эркакка қаршилик кўрсатаётгани тасвирланган. 

“Ур, қара олов қўйяпти”, дейди видеодаги фуқаролардан бири.

Видеодан кўринишича, қўлида идиш кўтарган эркак идишдаги суюқликни унга қаршилик кўрсатган аёллар устига сепади. Аёллар ҳам уни таёқ билан уришга ҳаракат қилади.

Маълум бўлишича, туманнинг чекка қишлоғидаги 7 гектар боғ ўрнига интенсив боғ яратмоқчи бўлган фермер ҳосил бериб турган олма дарахтларини кесиб ташламоқда. 7 гектар боғнинг 5 гектаридаги 1500 та мевали дарахт кесиб ташланган.

Мазкур ҳолат юзасидан ҳозирча расмий маълумот берилмади. 

Эслатиб ўтамиз, 2019 йилда Яккабоғ туманида тадбиркор дўконини бузишга урингани учун туман ҳокими ўринбосарини ёқиб юборганди.


Мақола муаллифи

Теглар

фермер Яккабоғ

Баҳолаганлар

426

Рейтинг

2.9

Мақолага баҳо беринг

Дўстларингиз билан улашинг