Волкановскининг навбатдаги рақиби маълум бўлди
Спорт
−
07 Ноябрь 2023 4877
Енгил вазн тоифасида амалдаги UFC чемпиони австралиялик Александр Волкановски 2024 йилнинг февралида бўлиб ўтиши режалаштирилган UFC 298 турнирида Илия Топурияга қарши жанг қилади. Бу ҳақда “MMA.Metaratings.ru” хабар берди.
Волкановскининг сўнгги жанги шу йилнинг октябрь ойида UFC 294 доирасида Ислом Махачевга қарши ўтказилган эди. Ушбу қарама-қаршиликда Александр биринчи раунддаёқ техник нокаут билан мағлуб бўлди.
Волкановскининг ҳисобида 26 та ғалаба ва 3 та мағлубият бор. Эътиборлиси, Волк MMA'даги 2 та мағлубиятини ҳам Ислом Махачевдан қабул қилиб олган.
Топурия эса охирги марта шу йилнинг июнь ойида UFC on ABC 5 да Жош Эмметтга қарши октагонга чиққанди. Жанг тўлиқ давом этди ва ҳакамларнинг бир овоздан чиқарган қарори билан Илия фойдасига якунланди. Унинг ҳисобида 14 ғалаба мавжуд, мағлубият эса йўқ.
Live
Барчаси
