Ўзбекистонликлар кўпроқ қайси давлатга ўқишга кетяпти?

Ўзбекистон фуқаролари энг кўп ўқиш мақсадида Тожикистонга боряпти. Бу ҳақда Статистика агентлиги хабар берди.

Қайд этилишича, 2024 йилнинг январь-август ойларида жами 25,8 минг нафар Ўзбекистон Республикаси фуқаролари ўқиш мақсадида чет элга борган. Ушбу кўрсаткич ўтган йилнинг мос даври билан солиштирилганда 602 нафарга ёки 2,4 % га ошган.

Жорий йилнинг январь-август ойларида ўқиш мақсадида чет элга кетган Ўзбекистон Республикаси фуқаролари мамлакатлар бўйича қуйидагича:

Тожикистон — 10 701 нафар;

Россия — 6 032 нафар;

Қирғиз Республикаси — 2 408 нафар;

Туркия — 1 640 нафар;

Жанубий Корея — 1 383 нафар;

Қозоғистон — 1 102 нафар;

Хитой — 507 нафар;

Буюк Британия — 475 нафар;

АҚШ — 355 нафар;

БАА — 238 нафар;

бошқа давлатлар — 974 нафар.

Эслатиб ўтамиз, аввалроқ 2024 йилнинг январь-июль ойларида жами 3,4 млн нафар ўзбекистонликлар туристик мақсадларда чет элга сафар қилгани ва Ўзбекистон фуқаролари энг кўп туристик мақсадларда Қирғизистонга борётгани хабар қилинган эди.