Ўзбекистонлик таэквондочи қиз Жаҳон чемпиони бўлди

Спорт 9139
image

Айни кунларда Мексиканинг Гвадалахара шаҳрида таэквондо WT бўйича Жаҳон чемпионати баҳслари бўлиб ўтмоқда. 17 ноябрь кунги беллашувларда уч нафар Ўзбекистон вакили медаллар учун курашга киришди. 

Эътиборлиси, аёллар ўртасида +73 кгда мамлакат шарафини ҳимоя қилган Светлана Осипова Жаҳон чемпионлигини қўлга киритди. Финалгача бўлган йўлни ишончли тарзда босиб ўтган Осипова ҳал қилувчи баҳсда исроиллик Дана Арзанни 3 раундда (2:1) мағлубиятга учратди. Шундай қилиб, Светлана Жаҳон чемпионатларида ғалаба қозонган биринчи ўзбекистонлик таэквондочи қизга айланди.

Кечаги кунги баҳсларда эркаклар ўртасида +87 кг вазн тоифасида Марат Мавлонов иккинчи бошқичда америкалик Жонатан Ҳелига 1:2 ҳисобида имкониятни бой берди. 

Эслатиб ўтамиз, ҳозирча Ўзбекистон делегацияси ҳисобида 3 та медаль мавжуд. Бунгача Никита Рафалович ва Феруза Содиқова мундиал баҳсларининг бронза медали соҳибига айланишганди.

Шахзод Шукуров
Мақолага баҳо беринг
Баҳолаганлар: 241
Рейтинг: 3
t
×