Улуғбек Рашидов Жаҳон чемпионатини муваффақиятсиз якунлади
Спорт
−
17 Ноябрь 2022 10375
Айни кунларда Мексиканинг Гвадалахара шаҳрида таэквондо WT бўйича Жаҳон чемпионати баҳслари бўлиб ўтмоқда. 16 ноябрь кунги баҳсларда икки нафар Ўзбекистон вакили даянга чиқди.
Токио-2020 Олимпиадаси чемпиони Улуғбек Рашидов -68 кг вазн тоифасида дастлаб Пуэрто-Рико вакили Адриан Бенитезни икки раундда йирик ҳисобда мағлубиятга учратиб, кейинги босқичга йўл олди. Чорак финалда Рашитов озарбайжонлик Жавад Агаев билан тўқнаш келиб, 1:2 ҳисобида имкониятни бой берди ва мусобақадаги иштирокини якунлади.
Аёллар ўртасида -49 кгда Зарнигор Ҳусниддинова илк босқичдаёқ мағлубиятга учраб, медаллар учун курашни тўхтатди.
Маълумот учун, -68 кг вазнда Улуғбек Рашидовни доғда қолдирган Озарбайжон вакили Жавад Агаев мусобақа якунида бронза медалига эга чиқди. -68 вазн тоифасида ғолиблик жанубий кореялик До-Юн Квонга насиб этди.
Live
Барчаси
