Ўзбекистонлик футболчи “Брентфорд”да дебют қилди
Спорт
−
24 Февраль 23256
Англиянинг “Брентфорд” клубига кўчиб ўтган ўзбекистонлик футболчи Муҳаммадали Ўринбоев ўртоқлик учрашувида майдонга тушди.
У “Брентфорд Б”нинг “Рединг” U-21 жамоасига қарши ўйинида баҳсни асосий таркибда бошлаб, 60-дақиқада захирага олинди.
“Янги футболчи дастлабки дақиқалардан ишонч билан ҳаракат қилди. Ўринбоев бурчак ва жарима тўпларидан хавфли вазиятларни яратди. У 38-дақиқада кетма-кет сифатли узатмаларни амалга оширди”, дейилади “Брентфорд” расмий сайтида.
Маълумот учун, ўртоқлик ўйини 2:1 ҳисобида “Рединг” ёшлари фойдасига ҳал бўлди.
Эслатиб ўтамиз, 18 ёшли футболчи Муҳаммадали Ўринбоевни АПЛ клуби февраль ойи бошида ижарага олганди.
“Брентфорд”га ўзбекистонлик футболчининг ижараси 200 минг еврога тушди.
Live
Барчаси
