Ўзбекистонда зилзила содир бўлди
Жамият
−
05 Август 2023
32610Бугун, 5 август куни Афғонистонда содир бўлган 5,8 магнитудали зилзила Ўзбекистоннинг 8 та вилояти ва Тошкент шаҳрида сезилди. Бу ҳақда Сейсмопрогностик мониторинг республика маркази хабар берди.
Манбага кўра, 5 август куни соат 21:01 (Гринвич бўйича соат 16:01) да Афғонистонда зилзила қайд этилган. Зилзила эпимаркази Тошкентдан 539 километр жанубий-шарқда жойлашган. Унинг координаталари 36,57 градус, шимолий кенглик 70,78 градус шарқий узунликка эга.
Шунингдек, зилзила магнитудаси 5,8 баллга, чуқурлиги 100 километрга тенг. Ер қимирлашининг эпимаркази Тошкентдан 539 километр жануби-шарқда жойлашган.
Ўзбекистон Республикаси ҳудудида сезилиш кучи:
- Сурхондарё вилоятида 4 балл, 320 километр;
- Фарғона вилоятида 3-4 балл, 432 километр;
- Сирдарё вилоятида 3-4 балл, 470 километр;
- Жиззах вилоятида 3-4 балл, 472 километр;
- Самарқанд вилоятида 3-4 балл, 478 километр;
- Андижон вилоятида 3-4 балл, 488 километр;
- Наманган вилоятида 3-4 балл, 499 километр;
- Қашқадарё вилоятида 3 балл, 507 километр;
- Тошкент шаҳрида 3 балл, 539 километр.
Эслатиб ўтамиз, бугун, 5 август куни Аргентинада 6,1 магнитудали зилзила юз бергани ҳақида хабар берилган эди.
LiveБарчаси